Toktobolot Abdumomunov adına Qırğız Milli Akademik Dram Teatrı Qırğızıstanın teatr həyatının mühüm mərkəzlərindən biridir. Teatrın tarixi 1926-cı ildə yaradılmış musiqili-dram studiyasından başlayır.
1926-cı il oktyabrın 11-də Pişpekdə aktyor hazırlamaq məqsədilə milli teatr studiyasının yaradılması barədə qərar qəbul edildi. Studiya noyabrın 2-də açıldı.
Teatr binası 1970-ci ildə tikilib. 1997-ci il dekabrın 10-dan teatr Qırğızıstanın ilk peşəkar dramaturqu Toktobolot Abdumomunovun adını daşıyır.
Bina 2022-ci ildə əsaslı təmir olunub.
Bişkekin mərkəzində yerləşən teatr Qırğız səhnə sənətinin mühüm ocaqlarındandır. Burada dünya klassikası, müasir dramaturgiya və milli əsərlər tamaşaya qoyulur.







